Make your own free website on Tripod.com
初到Net city...
一心唔會忘記呢個地方,因為呢個係我第一次去既chatroom,
果陣一心乜都唔識,連中文都唔識打,起果陣時開始,一心鐘意左上網。
好記得第一次連線上網,我大佬唔肯比我玩,一心無可奈何咁走去沖涼,
沖沖下佢突然話:「喂∼我比人屌呀∼!」一心出黎一睇,見到佢真係
比一個叫阿童既人屌緊(則係天使囉),轉下眼就比人炸左
佢仲好開心咁同我分享佢比人屌既經過...
咁我就叫佢嘗試轉名再入啦,(果陣既一心連ip都唔知係乜)
冇用,當我大佬心灰意冷之際,一心嘗試入去同佢講和,
一入到去,阿童就同我講野喇..
「207.xx.xxx.xxRay.SHUM,207.xx.xxx.xx弟弟」
再話:「鬧完我又改名入返黎?」一心以英多中少既語言下同佢講
頭先果個係我阿哥,我唔係佢...(下略二百字)
講左大約一粒鐘,終於博到佢講左一句非常動聽既
說話:「我信妳,我相信我地可以成為朋友...
(好似係咁...唔係都差唔多啦~)
就係咁,一心就日日都入netcity喇∼
離開Net city...
呢次離開,並唔係禁個「離開」既離開,而係有一d野..令一心
唔會再去netcity...
唔係果度d人衰,唔係果度server慢,唔係唔夠多人,唔係冇女,而係...
要澄清一樣野...
唔記得咩月咩日,天使入左netcity,一心係度,
但係佢冇同一心講:「細佬~~」

咁一心以為佢見唔到我個名,索性嗌句:「家姐~~」
但係佢並冇因為咁樣而
認返我。一心再叫:「家姐?」一句,就開始比佢話........
佢話我同問天週圍同人講...天使樣衰...
(查實家姐都不知幾索呀∼) 我冇講過,
但係一心講極佢都唔信我...
於是一心唯有道別後..
永遠離開netcity...
今日...
前幾日,一心同問天約左家姐出黎食飯,
一齊,有講有笑,家姐仲拎左部即影即有出黎影相, 以前既野...(唔係要交功課一心都唔會寫啦∼)
一心只對天使說:「唔緊要,反正我同問天都冇講過∼」
最銀衰都係果個人姐∼